थोड पाणी पिऊ दे...

करितो धावा तुझा देवा
आता तरी हाक माझी ऐक
बरसुनी पाउस एकदा तरी..
येउदे या जमिनीवर पिक..

झाले वर्ष किती अशी
आहे कोरड या जमिनीला
मारुनी हाका तुला अनेक
कोरड पडलीये या घशाला ..

दोन घास खायची आम्हा
आहे आज मारामार..
बरसव पाउस आत्ता तरी
होतीये आमुची उपासमार..

चातकासारखे डोळे माझे
नभाच्या पाण्याकडे लावले
ढाळूनि अश्रू या दुष्काळात
अश्रू हि आज माझे संपले..

शेतकरी बनुनी मी आज
काय असा गुन्हा केला
राहुनी उपाशी पोटी सदा
तुझाच तर मी धावा केला

आहे शपथ तुला माझी
पावसाचा तो वर्षाव होऊ दे
येउनी वर्षा या कोरड जमिनीवरती
आज धरतीला हि थोड पाणी पिऊ दे..थोड पाणी पिऊ दे...

-------------------शिरीष सप्रे(१०-५-२०१०)-----------------------