आई - नसशील जगात या तू..

येईन बाहेरून थकून मी..
"आई" हाक मारू कोणाला..
नसशील आई जगात या तू..
तुझे नाव मी देऊ कोणाला..

विसरू कसे प्रेम तुझे आई..
मजवर जे तू केलेस...
ओवाळूनी टाकले आयुष्य स्वताचे..
अन तुझे आयुष्य तू कमी केलेस..

कसे जगू मी तुजविना आई ..
नसशील जेव्हा तू या जगात ..
उठेल घरही खायला मला असे..
असेल उभा जेव्हा मी त्या दारात..

हसणे - रडणे होते तुजपाशी..
नसशील जेव्हा तू..बोलू मी कोणाशी..?
करायचो सुरुवात दिवसाची तुझ्या नावाने..
नाहीस तू तर..दिवसाची सुरुवात करू मी कशी..?

आहे गरज बाळाला या तुझी अजूनही..
आहे लहानच मी..असेल झालो मोठा कितीही..
नको तो पैसा मला..असला मज जवळ जरी...
एक मी असेन "आई विना भिकारी"..."आई विना भिकारी"....

--------------------शिरीष सप्रे(१९-३-२०१०)--------------------